Wednesday, May 9, 2007

في الشارع


بقالي شهرين كل يوم وانا رايح الجامعه اشوف البتاعه دي

انا ضد مبدأ الشتيمه طبعا بس الصراحه مقدرتش امنع نفسي من ممارسة هوايتي المفضله

الغريب انهم سايبنها طول الفتره دي كده .. باييننا عندنا حرية تعبير وانا مش واخد بالي

المهم .. بعد مشاورات داخليه يوميه طوووويله مع نفسي
قررت اخيرا واخدت الكاميرا
ونزلت صورتها
طبعا كانت ركبي سايبه وقلبي بيتنفض مقولكمش

كان نفسي اخد صوره جمبها .. بس الشارع كان فاضي مكنش في بني ادم يصورني
الناس خايفه تعدي من جمبها .. قالك بلاش نمشي في الشارع من اساسه لحد اما يشيلوها

انتهيت من التصوير وقررت الرجوع الي المنزل
لفيت
عديت الشارع
ببص ورايا لقيت عربية اتاري جايه
قلت بس .. رحنا في طوكر
اكيد دا كان كمين
وطلعت انا كبش الفدا
اتسمرت في مكاني لحد اما العربيه عدت وربنا ستر
الله يجازيه اللي ربالنا الرعب

5 comments:

أمــانــى said...

ايه الشطارة ده صورتها كمان بس ما قولتش الشارع ده فين علشان نعمل تحذير
بس ازاى بتوع الامن سابينه كده
ده فى الجامعة لما يكون ورق بتوزع الدنيا بتقوم وتقعد متعرفش طلعوا منين ويلموا الورق كله يمكن كمان حتى المناديل
الحمدلله انك صورتها بسرعة
:D

صاحب البوابــة said...

حقاً صورة رائعة

توضح ما وصل اليه حالنا من كره لهذا الشخص

تحياتي لك عزيزي

Anonymous said...

ياعم عادى على ايه الرعب بس :D

عمرو فكرى said...

ههههههههه
انا بقى وانا ايح النادى بعدى برضه على باب مكتوب عليه الموت لمبارك وشيماء :lol:

Mina said...

انت كمان يا عمر:D

طب مين مبارك وعارفينه .. مين شيماء بقي؟؟
:D:D