Monday, May 21, 2007

ستالين والحزب الوطني

جوزيف ستالين .. احد ابرز رموز الشيوعيه في العالم .. ولد في عام 1879 ومات عام 1953 .. يقال ان هذا الرجل تسبب في قتل اكثر من 50 مليون انسان اثناء فتره حكمه روسيا.
Josef Stalin 1879- 1953

كانت الانتخابات الداخليه للحزب الشيوعي في روسيا قد بدأت .. وقام اعضاء الحزب بالتصويت وكانت المفاجأه .. لقد حصل ستالين - رئيس الحزب - علي 600 صوت فقط من 1900 صوت .. بينما لم يوافق 1300 عضو علي اعادة انتخابه.

فماذا فعل ستالين ؟؟ .. قام ستالين بالتخلص من الـ1300 عضو الذين لم يصوتوا له .. اعدمهم جميعا ( طبعا انت مبحلق دلوقتي في الشاشه ومش مصدق ) .. واعاد الانتخابات وفاز بالاجماع!


عامة مستغربش اوي .. الحزب الوطني الديموقراطي قرر يعيد التاريخ مره اخري وقام بفصل اتنين من اعضاؤه هم النائب طاهر حزين والنائب محمد حسين بدعوي عدم الالتزام الحزبي.

الاول قدم استجواب ضد وزير النقل بسبب صفقه مع احدي الشركات تم فيها اهدار للمال العام .. ودي حاجه محصلتش من 30 سنه ان نائب في الحزب الوطني يقدم استجواب ضد الحكومه .. طول عمرهم عايشين بمدأ زيتنا في دقيقنا.

طيب اوي وعلانياتك ..!


والثاني وقف في وسط المجلس الموقر وقال " كل حاجة الرئيس.. كل حاجة الرئيس، كفاية بقى.. كفاية بقى، أطلع من هدومي".. وقام قاطع جاكتة البدله!

وانت اطيب من الاولاني ..!!

الظريف بقي ايه .. انهم معرفوش الخبر غير من الجرايد .. الحزب الوطني بيوفر تمن الجواب والطوابع ..

علي فكره الاتنين مكنوش موافقين علي التعديلات الدستوريه .. مش بقولوكوا ناس طيبين اوي ..

ها مين عرف الشبه بين ستالين والحزب الوطني؟؟

3 comments:

أمــانــى said...

ازيك
اولا مبـــــروك مــــــبروك للزمالك شوفت نحس الزمالك اتفك لما سبتها هههههههههههه
لا برضو لسه ما وصلش للاستالين ممكن فى الايام القادمة ماذا تحمل ممممممممممم؟؟؟؟

Mina said...

الله يبارك فيكي يا اماني .. ومبروك ليكي انتي كمان ( هعتبرك ممشتيش ولا حاجه عشان عارف انك عايزه تفرحي)

ومش بعيد عالحزب الوطني لو عملولهم حاجه ورجعوا قضاء وقدر

Anonymous said...

Yad ya Minaa , Assl el 7ezb el watanny el dimocraty awy 5ales geddan a5er 7aga mamnou3 7ad fih yetkallem ya ella mesh 3aref meen w meen w meen hayzanba2oohom