Thursday, November 15, 2007

حكاية ربع جنية

راكب الميكروباص ومروح بيتنا ماشيين في امان الله السواق بيلم الاجره

"على جمب ياسطى" صرخ احدهم


وقف السواق .. بص كده مين نازل .. لقي تلاته

ايوه يا بيه الاجره لسه كده


ازاى يا عم محنا دافعينلك

دافعين ازاى .. لسه يا بيه دفعتوا جنيه .. نص جنيه كمان

انا (جوايا) .. معطلنا عشان نص جنيه ماشى خلينى ساكت

واحد من التلاته : نص جنيه .. داحنا اللي لينا ربع

- طبعا هما حسبتهم ربع جنيه ×3 .. اما هوا نص×3

انتوا اجرتكوا نص جنيه النفر يبقي انا ليا نص

طب ايه رأيك بقى مفيش نص جنية وهتجيب الربع

هى عافيه يعني

اه عافيه بقي .. ووريني هتتحرك ازاي( وقف قدام الميكروباص)

قام الراجل دايس بنزين وطالع .. طبعا خبطه

برست ايده ودببب عالازاز بتاع الميكروباص ( قال يعني اتعصب وهيكسر الازاز) .. خلع مساحة

يابن الـ**** انت بتعمل ايه .. انزل (مسكه من هدومه وفتح الباب) .. بقولك انزل ورينى نفسك

قام السواق مادد ايده تحت الكرسى وجاب ماسوره حديد ونزله

ومسكه في بعض

فضلوا يدحرجوا لحد اما طلعوا عالرصيف

استطاع اصدقاء اخينا الزبون انهم يمسكوا الماسوره من السواق قبل مايرتكب جنايه .. وحاولوا يهدوا الموقف شويه

اهدي ياسطى

سيب العصاية .. مش سايبها

هات دي بتاعتى .. لأ دي بتاعتى

احم .. نكمل .. انا طبعا - زيي زي الناس اللى فى الشارع واللى راكبين - عمالين نتفرج ومستمتعين جدا .. ولأنى كنت قاعد جمب السواق .. فالتفاصيل كانت واضحة جدا

اخيرا ظهر الفارس الهمام .. واحد ابن حلال شكلة كده أمين شرطة ولا حاجة - أمين شرطه وابن حلال ازاي؟- المهم يعني .. فاعل خير .. هدى الموقف وخلى السواق يطلع الربع جنيه

خدو الربع جنيه .. وعدو الشارع .. السواق قعد يظبط المساحة اللى اتخلعت دى .. وهما بيعدوا الشارع واحد منهم زعق " ياسطى .. ياسطى"

بص السواق

بردو خدنا الربع جنيه"ز"




7 comments:

عمرو فكرى said...

حلوة يا مينا :D

Mina said...

شكرا يا عمرو نورت البلوج :D

sally said...

ههههههههههههههه
اهو ده الاستفزاز بعينه
انا لو من السواق كنت طبيت ساكته من كتر الفرسة
تحياتي علي البوست لان دمة خفيف مووووووووووت

Fantasia said...

ma3lesh ya mina, ra3'm enak damak 7'afeef fe3lan, laken mesh 3arfa ad7ak, 7atta law 3ala sabeel shar elballeya ya3ni. elbaltagah ba2et semmah 3amah f mogtama3na. 7aga tgeeb el7asrah. ameen elshortah dah ezay yseeb sawa2 shayel masoora 7adeed ma3ah? howa da mesh 7'atar 3al 2amn wala eih? feeh 7alet tasayob w estehbal w la mobalah 3ageeba.
post gameel. w qessa mo3aberah 3an waqe3 2aleem.

Mina said...

sally
انا نفسى اتفرستلة .. بس كويس انه نفض عشان كنت عايز اروح بيتنا :D

خلينا نشوفك كتير عالبلوج :D

fantasia
فعلا .. انا مش متصور موقفه ايه السواق دا لو كان فتح دماغ الراجل .. لأ وايه عشان ربع جنية!

نورتى البلوج :D

Selfmeaning said...

للاسف بنشوف من دا كتير

لان ببساطه الناس اتغيرت

Mina Fayek said...

للاسف يا selfmeaning

نورتينى